كيف أقنع زوجي بالانتقال لبيت مستقل بعيداً عن تدخلات أهله التي تنغص علينا حياتنا

انا مو اول مرة بحكي معكون عن مشكلتي انا مرآة متزوجة من ٦ سنين عمري هلا ٢٠ تزوجت بعمر ال١٤ عندي هلا ٣ بنات وصبي الكبيرة عمرها ٥ سنين والصغيرة لسا ماكملت الشهرين واجهضت مرتين وعملت عمليات ٢ والله ماني عارفة من وين بدي بلش انا ساكنة مع بيت حماي الي بيتألف من آلعم والحماية و٣ اخوه شباب واحد متزوج وعندو بنت ياجماعة انا من تزوجت وقايمة بخدمت الكل لحدا يقلي ليش قبلتي من الاول انك تسكني معون انا لما تزوجت ماكنت واعية لشي واصلن ماكنت بعرف شو معنا الزواج ولابعرف شي بس عادات وتقاليد مع انو ابي ماكان موافق بس نصيبي جابني انا امي وابي من ملل مختلفة وكل واحد من دولة وانا مقيمة بالسعودية بيي معي هون ولو بخبرو شو عم بصير فيي ماكان سكت وكان اخدلي حقي وعمل اي شي لارتاح بس مابدي يشيل همي او يزعل كرمالي وامي مانها هون لحتا ضل احكيها وفشلها قلبي ومابدي زعلها عليي وهيي بعيدة بيكفي انها كل ماتحكي معي بتقلي ماشبعت منك انا قاعدة ومتحمل مشان زوجي الي مابدو يترك اهلو هو الي شايل همون ومصروفون ومو مقصر معون بشي انا والله عم حاول ماقصر معون بشي بس حاسة خلص ماضل فيي أعصاب تتحمل تدخلون بيخليني جن اي شي بيصرفو زوجي عليهون عادي وانا شو مابطلب او بجيب بيزعلو وبيقلولو لازم توفري وعم تصرفي اشيا مالها طعمة وعدا التدخل بنومتي وفيقتي واكلي وشربي وكل مااطلع مع زوجي بيطلعو بقصة التوفير والصرف الزايد لما يخلو زوجي يعصب ومايطلعني او يسممني انا بحبو لزوجي وهو منيح معي بس لما يسمع شي من اهلو مستحيل يعارض ولو كان عحسابي وحساب راحتي وانا من النوع الي بيسمع وبطيع ومابحب زعل حدا ومستحيل اني واجه حدا وقلو انك غلطان والله ماضللي نفس عشي صرلي شهرين يمكن يعدي الاسبوع لأكل لقمة اكل وعايشة عالمي من لما خلفت وماعدت اكل قد ماعم فكر بوضعي وياما قلت لزوجي خلينا نطلع ونعيش حياتنا وهو بيقلي لا مابترك اهلي والله بعرف انو الاهل غاليين ولازم الواحد مايعارضون بس مو عحساب زوجو كمان انا تركت اهلي وعندو اخوه ٢ كبار متزوجين وساكنين لحال ماعدت اقدر اتحمل تدخل ولاد حماي ولا عمي ولا حماتي لك حتا سلفتي قوية وقادرة وتصرفاتها معي عم تجلطني وياريتني فيي رد بعصب وبقعد بحكي مع حالي وببهدل بحالي او بتحجج بشي تاني لخانق زوجي وفش قهري او بفش قهري بولادي الي مهتمة باكلون ويشربون ونظاف تون والله الكل بيمدح فيهون وبترتيبون ونظافتون وانا الكل بيعرفني باحترامي واني منيحا مع الكل ومازعلت حدا والكل بيشهد بجمالي يلي هلا راح من كتر التفكير والزعل والكتم ماعدت اهتميت بحالي كرهانة كلشي عم اكتب وماني عارفة من كتر مشاكلي انا وعندون وعم اشتغل واتعب وهالشي مو مبين فيهون حكولي شو لازم اعمل عمري ٢٠ وهيك حياتي مابعرف شو تركت لكبرتي من الهموم والمرض والتعب ياجماعة الله يوفقكون لا تزوجو بناتكون الا يعيشو حياتون ويكونو قد المسؤلية انا ماني زعلانة من بيي لا والله لانو ما وافق من الاول وماكان راضي بس النصيب ولو بقلو كلمة ماخلاني عند زوجي بس صار برقبتي ٤ ولاد ومابدي شردون لك حتا لما بعصب عولادي او بضربون بيخربو الدني لك مرة وصلت معون انو خلو زوجي يضربني لاني ضربت بناتي وازا عملو شي ولادي بيجنو يعني ماعدت اعرف شو لازم سوي والله قد ماحكيت مارح اقدر اوصف الشي الي انا فيه ومن لما خلفت جبنا خدامة لتساعدنا وفوق هالشي ماخلصت لسا بتبهدل ويا ريت يكون غلطانة بتكون سلفتي هيي الغلط وانا لازم اتبهدل معها وازا انا عملت منيح بيشركو سلفتي معي ولا زوجي المسكين الي شايل عيلتو وامو وابوه واخواتو ٢ توأم شباب عمرون ١٨ مابيشتغلو بس نايمين وازا حدا قلون عشي بيخربو الدنيا وازا عمي او حماتي نادولي وماسمعت بيجو بيقولولي ماعم تسمعي الكلمة وكأني انا الي ملزمة اسمع وطيه وهني لا ولا اخوه المتزوج الي مابيساعدو بشي خالص ونفس اخوانو بس بيرضي مرتو وماحدا بيسترجي يتدخل فيه وشو بيجيب او يعمل يعني والله ماعدت اعرف شو احكي كيف بدي اقنع زوجي انو نطلع وهو بمقدور هالشي ولو ماعندو هالحمل كلو كان هلا من الاغنياء كتير والله في حكي كتير ومشاكل اكتر بتمنا تفهموني وتقولولي شو لازم اعمل يعطيكم العافية

لقد تزوجت وأنت قاصر ، طفله لم تشبع من طفولتها وحملت هم الزوج وأهله والأولاد من دون أن تلم بشيء من أصول التعامل مع الزوج وأهله ولا من تربيه الأطفال ، وها أنت الآن وما زلت في العشرين من عمرك ، تتكلمين كامرأة في الخمسين ، محبطه ، غير سعيدة تخرجين غضبك وقهرك وتنتقمين من حياتك ، بتعنيف أولادك الأبرياء . ما دام زوجك لا يريد الابتعاد عن أهله ، فلا تتعبي نفسك بطلب لن يوافق عليه مهما أصريت أو مهما حزنت ، تقبلي حياتك وحاولي أن تعيشيها بالرضا وبمحاوله كسب محبه العائلة بالكلمة الحلوة والإيجابية في التعامل معهم . لديك مسؤوليات كبيره عليك أن تواجهيها بشجاعة وبهمه ، ابدئي بالاهتمام بصحتك وطعامك ، اعطفي على أولادك واهتمي بهم ، حاولي أن تفهميهم غلطهم بالكلام وليس بالضرب ، فما تشعرين به ليس ذنبهم . تقربي من أهل زوجك وقومي بواجباتك معهم ولكن بالابتسامة والمودة، لا تفكري بالأخوة الآخرين الذين لا يقومون بواجباتهم ، عليك بنفسك ، وتأكدي أنهم سيقدرون تعبك . ما زلت في أول شبابك وكل ما يلزمك هو الاعتناء بنفسك وبتغذيتك لتحافظي على نشاطك ، أما الإحباط والاستسلام لليأس فلن يغيرا شيء في حياتك . صارحي أهلك فقد يساعدوك ببعض المال الذي يفك كربتك ، ولا تخافي عليهما فهما اللذان أوصلاك إلى هذه الظروف وليس النصيب كما تقولين ولا بد من أن يقوما بدورهما كأهل ، خاصه وأنهما لم يشعرا بك كابنه .