المقادير

    4 x كوب دقيق
    3 x عدد فص ثوم
    2 x كوب ماء (دافى)
    2 x معلقة صغيرة خميرة
    2 x كيس جبنة موزريلا
    2 x معلقة كبيرة سكر
    2 x عدد فلفل أخضر حلو
    1 x رشة ملح
    1 x كيلو جمبرى (مقشر)
    1 x حزمة زعتر
    1 x كيلو طماطم (طرية)
    1 x معلقة كبيرة زبدة (بيضاء)
    1 x معلقة كبيرة زيت ذرة
    1 x معلقة كبيرة عسل نحل
    1 x معلقة صغيرة ملح
    1 x رشة فلفل اسود مطحون

الطريقة:

    هندفى الفرن لمدة 10 دقايق و نقفله.
    هنجيب طبق غويط و نحط فيه الخميرة و العسل و نص كوب ماء دافى و نقلبهم و نغطيهم و نسبهم فى الفرن الدافى من 20 دقيقة لساعة.
    هنجيب طبق و نحط فيه الدقيق و السكر و نص معلقة ملح و الخميرة و نعجنهم و نزود ميا دافيه شوية شوية لحد ماتبقي العجينه ماسكه كويس. ممكن نحطها فى العجانه تلت ساعة او نعجنها بايدنا اكتر وقت ممكن. و بعدين نغطيها و نسبها فى الفرن الدافى نصف ساعة.
    هنقطع الفلفل الأخضر بالسكينه الحامية شرايح رفيعه جدا .
    هنجيب الطماطم و نقشرها و نقطعها صغير . و هنشيل ورق الزعتر من الأعواد.
    بعدين نجيب طاسه و نحط فيها معلقة الزيت و رشة ملح و رشة فلفل أسود و الطماطم و معلقة كبيرة من الزعتر. و نسبها على نار هاديه تلت ساعة.
    هنطلع العجينه من الفرن و نسخنه على درجة حرارة عالية. و نتأكد ان الشبكة فى النص أو أقرب للجزء السفلى من الفرن.
    هنطلع العجينه من الطبق و نفردها فى الصاج.لحد ماتبقى متساوية. الفرد لو صعب و بتشد معاك و ترجع صغيرة تانى ده دليل انها معجونه كويس. افردها ماتستسلمش.
    هنفرم فصوص الثوم ناعم و نحط الزبده فى الطاسة و معاها الثوم و رشة صغيرا ملح. اول مالزبده تسيح هنطفى عليها و نفردها على العجينه.
    هنحط الجمبري على العجينة و بعدين نرش الصلصة عليها.
    هنضيف الفلفل و بعدين الجبن الموتزاريلا المبشورة و نرش فوق معلقة كبيرة زعتر
    هنحطها فى الفرن نص ساعة و نتأكد ان وشها أحمر, وبكده تبقى جاهزة للتقديم.

قد يهمك أيضا:

تعرفي على طريقة إعداد وتحضير جمبرى بالكارى

طريقة إعداد وتحضير بطاطس محمرة بجبن الموزريلا