حرمت من الإنجاب

المشكلة:السلام عليكم انا عندي مشكله كبيره هو انا طيبه جدا والله وبحب الناس كلها وبصفي بسرعه جدا بس لما بفتكر حاجه قديمه لشخص غلط فحقي بنسي انه كويس معايا دلوقتي واني كويسه معاه وممكن اغتابه ودي صفه وحشه اوي فيا بنفعل بسرعه جدا ومتسرعه فقراراتي انا اتجوزت من ٩ شهور وحملت بعد علاجات كتير ودعاء لربنا كتير جدا وانتظمت جدا عالصلاه وبقيت اصحي اصلي الفجر مخصوص وادعي كتيييييير وانا بعيط وبعد ما حملت بقيت اتعب جامد واكسل كتير عن الصلاه بس بقيت اجاهد نفسي معرفتش كنت بنام ٢٤ ساعه بمعني الكلمه مش قادره اقوم ولا افتح عيني وفمشكله بيني وبين جوزي قولتله يا رب الحمل يسقط وفلحظة ما قولتها قعدت استغفر كتير عشان خوفت اوي علي ابني معداش ٢٤ ساعه والبيبي نزل انا تعبانه نفسيا جدا وحاسه اني مش هخلف فحياتي وكمان مكسوفه ادعي ربنا يخليني احمل تاني عشان اولا هو لما اداني مرادي هجرته وبعدت عنه وانا كنت وعداه اني هقرب اكتر مش هبعد وثانيا انا دعيت عالنعمه اللي ادهاني انا خايفه اوي انا حاسه بكسرة قلب وحاسه بخوف وتعبانه وبحاول اتوه لما بشوف اي حد كان حامل معايا والحمد لله حملها مستقر وبطنها ظهرت بتعب مش بحقد عليهم والله بالعكس بدعيلهم كتير ان ربنا يكملهم ويرد عيني عنهم ويحميهم بس انا زعلانه نفسي فطفل ونفسي اكون ام ونفسي ربنا يسامحني ويستجاب لدعايا انا مش حمل حرمان من الامومه انا فعلا مشتاقه ونفسي فطفل من قبل ما اتجوز كمان لاني بحب الاطفال اوي انا مش عارفه اعمل اي

الحل: لا تيأسي من رحمة الله ولكن بالدعاء والغفران والتوبة سوف يعوضك الله بأطفال وليس طفل يملؤون حياتك سعادة والجأي إلى الله فهو خير ونيس هو الذي يمنحك من عطاياه كما تتمني وتدعي له فلا تخجلي منه ابدا