أحن إلى حبيبي

السلام عليكم انا فتاة عمري 22 سنة من لما كنت صغيرة و انا بحب شاب يسكن بحارتي و حبنا متبادل من لما كان عمري 12 سنة انا بحبو لحد الجنون بس من 3 سنوات تفارقنا رحلنا من هديك الحارة و انا من قهري كرهت الحب و تزوجت على امل الاستقرار بس بعمري ما تهنيت بزواجي لانو زوجي كتيييير عصبي و بيضربني كتير و ما في اي تواصل بيني و بين زوجي هلاء عندي ولد عمرو سنتين و من فترة التقيت بالشاب يالي هو حب حياتي لما شفتو صار جسمي كلو بيرجف يرجفف و قلبي يدق بسرعة اجا حكى معي و انا مو مصدقة يالي صاير صار يلومني لاني تزوجت و تركته كان كتير متأثر و حس علي اني مو منيحة قالي اتصلي فيني و احكيلي شو بكي .صرت اتصل فيه من الحين للاخر حكيتلو اني مو سعيدة بزواجي ما كان بدي احكيلو بس و الله انو الانسان الوحييييد يالي قدرت اشكيلو همي هو ما اقترح علي اي شيء يعني بس كان عم يسمعلي . وعدني انو لو اجيه فرصة ثانية ما رح يخليني اروح من ايدو و مستعد يضحي بعمرو لحتى يكون معي ... انا تايهة لاني ماني متقبلة العيشة مع زوج ما بيحترمني حتى و انا تعبتتت من حياتيي و الله و من زوجيي و من حاليي ماني مرتاحة معو ابدا و عطول بفكر بالانفصال عنو اصلاا هو يدل يهددني انو ينفصل عني مع اني والله مو مخلية عليه بشيء قايمة بكل واجبات الزوجة الصالحة معو بس ماني مرتاحة صليت صلاة استخارة كتير مرات و بكل مرة اصليها يصير مشكل بيناتنا ...

انت ما زلت شابه صغيره متعلقه بوهم قديم تعتبرينه حبا منذ كنت طفله . شعورك بالاضطراب حين التقيت بالشاب الذي احببت نتيجه اقتناعك بأنه الخلاص الوحيد لك مع ان ذلك ليس صحيحا فهو غالبا لن يتزوج بامرأه لها ولد وخانت زوجها وكلمته. انسي امر هذا الشاب ولا تقارني زوجك به . ضعي حدا للضرب فذلك مرفوض تماما وحاولي الا تجادليه ولا تغضبيه ، اتركي الغرفه اذا بدى لك غاضبا واشغلي نفسك بأي شيء حتى لا تستفزيه . ابدئي بوقف الضرب، اطلبي من اهلك ان يكلموا زوجك وان كرر ضربك فالجئي للسلطات المختصة، اوقفي العنف قبل أي شيئ اخر وان لم يتوقف اطلبي الطلاق.