أموت بالبطيء

السلام عليكم أنا بنت عمري ٢١ سنة متزوجة من ست شهور ما عندي أطفال بس حملت ونزلت مرة مشكلتي بأني بزواجي مرة فرحانة وعشرة لأ متزوجة من شخص بيصلي وبيحترم أمه وابوه بس الفاظه سيئة جدا بيسب بكلمات مش منيحة ولما نتزاعل انا واياه بيصير يسب ويصرخ وكتير عملها قدام أمه إهانات وسب لما يزعل واكتر من مرة قدام اخته وأسباب كثير تافهة يعني مرة بسبب قميص كان بدو يلبسه وانا غسلته وحطيته عالمنشر مشان مبلول وبدو اياه عصب وصار يصرخ فيا قدام اخته انا دخلت الغرفة وضليت اعيط كتير كسرني وكسر بخاطري وكلامه جارح كتير ممكن في ناس بتحكيلي ما تجادليه او اسكتي حاولت وما نفع انا بسكت وهو بيضل يحكي ويهين كتير مرات وصل لتفكيري الطلاق وانه قبل ما احمل وارحملي وارحم روحي شوي لاني دايما بعيط وفعليا انكسرت ومرة اتزاعلنا انا واياه ورديت حكيتله انت مريض راح ضربني قدام أمه ونزل الدم مني وهو لو اجادله او ارد عليه راح يضرب الضرب للبنت من الرجل عمرها ما كانت رجولة كل مرة بينزل من عيني بتمنى من البنات فترة الخطبة ما يهملوها شغلة بسيطة ممكن تبين الشخص اللي قدامنا على حقيقته لما احكي لماما مرات بتشجعني اني اخلص منه ومرات بتحكيلي يا ماما ما بدي بيتك ينخرب وبقهرها وبتمرض بزيادة لما اشكيلها هي وبابا أنا هسا ما بشكيلها مشان ما اتعبها او يصيرها اشي من تحت راسي وهو بيسب الرب ومرة سب على اهلي أنا نفسي مكسورة كتير ما بعرف هو انا غلط اخترت لهالدرجة ولا شو ما بعرف شو اعمل شو الصح اتركه ولا اموت عالبطيء من القهر علما اني حكيت معه اكتر من مرة بس عالفاضي

الضرب مرفوض تماما فلا تسكتي عليه أبدا ولا تخفيه عن أهلك ، فمن يضرب مره ، يكررها ثانيه حتى تصبح عاده بعد كل مشكله ولا يرتاح إلا بعد التعنيف والإهانة للزوجة . ما زال بإمكانك التفكير بالطلاق ما دمت لم تنجبي منه ، فمعامله زوجك لك غير مقبولة إذ لا يوجد بينكما أي مودة أو احترام ، بعد سته أشهر فقط من الزواج فما الذي سيفعله بعد عده سنوات ؟ تصارحي معه بوجود أهلك واكشفي كل الأمر فإن سكتت ضاعت حقوقك معه واعتاد على هذه الطريقة في التعنيف . ما زلت شابه صغيره لتتكلمي عن الموت البطيء وتستسلمي لحياه لا تحبيها ، فالمستقبل أمامك وما زلت في أول الطريق ولم تحققي شيئا من أحلامك ، فلماذا تتحملي العنف منه والكراهية من أهله ؟ الخيار أمامه إما معامله طيبه واحترام وإما الطلاق .