أثارت "ملك الكاشف" فتاة متحول جنسيا تبلغ 18 عامًا فقط، جدلًا كبيرًا عبر موقع التواصل الاجتماعي "فيسبوك"، عبر نشرها لقصتها كاملة موثقة بالصور في ثماني مراحل، ولكنها فى النهاية تؤكد على ثقتها بنفسها والتي دفعتها لنشر صورها قبل وبعد تغيير شكلها من "مالك" إلى "ملك"
وقالت تحت عنوان " بكل بساطة و فخر وهدوء دى أنا" روت ملك مراحل قصتها، من سن 13 إلى 18 عامًا، قائلة "خمس سنين من العنف والأذى .. خمس سنين من الصراع النفسى والجسدى .. خمس سنين من استقلال وشغل و دراسة كلهم أصعب من بعض لأن الكل كان نابذني.. مش سهل تلاقي بنت عابرة جنسيًا ( متحولة جنسيًا ) تنزل صور ليها قبل تغيير شكلها وقبل العمليات، لأن بكل بساطة كل صورة من دول بتحمل أذى نفسي كبير جدًا ليا وكنت بتجنب أن أي مخلوق يشوفهم وبكتفى بصور الفترة الحالية".
وتابعت "فى اليوم اللى أخدت فيه قرار أنى أعمل عملية تصحيح جنس، كنت عارفة، ومتأكدة أنى هخسر حاجات كتير.. وفعلًا خسرت .. خسرت أهلي ودراستى وحياتي الشخصية، وكل شئ، بس الأهم أنى كسبت نفسى".
وأضافت "بنضطر نعيش بشخصيتين قدام العالم عشان نضمن السلام والرحمة.. عشان نضمن منتأذيش .. راجل قدام الأهل والجيران والمدرسة والشغل وبنت قدام مرايتي ..أصعب حاجة فى الدنيا لما تبقى مضطر تتقمص شخصيه ملهاش أى علاقة بيك ولازم تتقنها عشان العالم اللى حواليك ميفرمكش".