علق الإعلامي عمرو أديب، على الأزمة الأخيرة للفنانة المصرية شيرين، قائلًاإانه تلقى تهديدات واضحة كثيرة كي لا يدافع عن شيرين. وبعد أن أوضح أنه ضد ما قامت به شيرين، أشار عمرو أديب، ضمن حلقة الثلاثاء، من برنامج "كل يوم" المذاع عبر فضائية ON E، إلى أن شيرين عليها أن تتعلم قبل أن تتكلم حتى لا تسقط مرة أخرى بسبب تفوهها ببعض الكلمات، وتابع موجهًا حديثه لشيرين "مش عيب يا شيرين يا حبيبتى تجيبي حد يعلمك إزاي تتكلمي لأن محدش بيفهم في كل حاجة، هاتي حد يقولك تقولي إيه ومتقوليش إيه.. ومشكلة شيرين بتقول كلام سخيف جدًا في أحيان كثيرة وهي لا قاصدة ولا فاهمة ولا أي حاجة”.

وأوضح عمرو أديب، في حديثه لشيرين: "قربي من الناس اللي تعلمك.. اتعلمي يا بنتي”، مضيفًا في السياق ذاته، أن شيرين لم تقصد الإهانة للنيل ولكن هي أخطأت بالفعل وأطلقت تعبيرًا لا يصح التفوه به، لكن "المذبحة كتير قوي"

واستكمل عمرو أديب "لو مليون واحد شتموا مصر كلها.. مصر أكبر من أي حد.. ما مصر بتتشتم كل يوم من شيرين وغير شيرين.. مصر كيان.. مش طوبة ولا لوح زجاج يتكسر.. ومتخافوش ولا شيرين ولا 100 واحد زي شيرين هيأثروا فيها.. إحنا كل يوم بنتشتم من طوب الأرض بس مصر تفضل موجودة.. مينفعش تصغروا مصر بالشكل ده ومصر مش كيان سهل ومش حاجة بسيطة علشان واحد يشتمها هتقع".